Направете го едноставниот зебра колач – состојките се мерат со чаша

Зебра колачот е мек бисквит кој го добил името поради тоа што е комбинација од два различни бисквити. Лесно се прави, а подготовката уште повеќе ќе ви ја олесни тоа што повеќето состојки ги мерите во чаша од 200 милилитри.

Јајцата и млекото треба да бидат на собна температура, за колачот да ја има структурата како на фотографијата.

• 4 јајца
• 1 чаша млеко
• 2 чаши брашно
• 1 чаша шеќер
• 1 чаша масло
• 1 прашок за печиво
• 1 ванилин шеќер
• 2 лажици какао
• маргарин

Подготовка:

Калапот во кој ќе го печете овој колач треба да го премачкате со маргарин и да го посипете со малку брашно. Потоа одвојте ги белките од жолчките. Изматете ги жолчките со шеќерот, па додадете млеко и масло. Продолжете со мешање со миксер.

Во друг сад измешајте ги брашното, прашокот за печиво и ванилиниот шеќер. Потоа постепено додавајте ја сувата смеса во садот со жолчките и продолжете со мешање со миксер.

Кога ќе ја добиете истата смеса, во друг сад изматете ги белките. Пополека додадете ги со остатокот од смесата за да не изгубат волумен. Смесата поделете ја на два дела, а во едната смеса додадете го какаото што сте го измешале со една лажица топла вода.

За да го добиете овој колач, наизменично ставете три лажици од жолтата смеса во средината на калапот и три лажици од кафената смеса врз неа, додека не ги потрошите двете смеси.

Колачот се пече во загреана рерна на 180 степени Целзиусови околу 40 минути. Кога колачот е готов, оставете го да се излади и потоа можете да го посипете со шеќер во прав или да го послужите со кој било друг додаток по ваша желба.