Најмалку 137 лица загинаа во разорниот земјотрес во Непал

Најмалку 137 лица загинаа како последица на разорниот земјотрес што го погоди Непал, јавува Anadolu.

Индискиот Национален центар за сеизмологија соопшти дека земјотрес со јачина од 6,4 степени според Рихтеровата скала го погодил Непал со епицентар на длабочина од десет километри.

Во тек е спасувачка операција

Портпаролот на непалската полиција Кубер Кадијат изјави дека бројот на жртвите во двата главни области во западен Непал достигна 137, додека 166 лица се повредени.

Тој рече дека големата спасувачка операција сè уште е во тек.

Земјотресот бил почувствуван во поширокиот регион, особено во северна Индија.

Непалскиот премиер Пушпа Камал Дахал изрази жалење поради загубата на животи и материјалните штети предизвикани од земјотресот. Неговата канцеларија соопшти дека ги мобилизирала сите три безбедносни агенции за итно спасување и помош на повредените.

Губење на животот

Индискиот премиер Нарендра Моди исто така рече дека е длабоко тажен поради загубата на животи и штетите предизвикани од земјотресот во Непал.

– Индија се солидаризира со народот на Непал и е подготвена да ја пружи секаква можна помош – рече Моди.