НЕВЕРОЈАТНО ДОСТИГНУВАЊЕ НА НАУЧНИЦИТЕ: Создадени здрави глувци од двајца татковци, еве како успеале

Претходните обиди за оплодување на јајце клетки добиени од машки клетки беа само делумно успешни.

Научниците успешно создадоа здрави глувци со двајца татковци, откритие што може да го отвори патот за геј мажите да имаат деца кои се поврзани со двајцата родители, пишува Тајмс.

Пробивот, претставен на конференција за генетика во Лондон, вклучува претворање на машките клетки во јајце клетки, а оваа техника може да третира и еден вид неплодност кај жените, пишува британскиот весник.

Научниците предупредуваат дека треба да се надминат многу технички бариери пред да може да се користи кај луѓето, дури и ако се покаже како безбеден и етички прифатлив.

Претходните обиди за оплодување на јајце клетки добиени од машки клетки беа само делумно успешни. Во 2018 година, научниците создадоа 12 такви бебиња глувци, од кои сите се бореле да преживеат и умреле набргу по раѓањето.

Во овој случај, седум младенчиња се родени од 600 обиди за имплантација и тие се здрави и имаат свое потомство, според Тајмс.