“НИЕ СМЕ СТРАВ И ТРЕПЕТ ЗА РУСИТЕ!“ – Елитна украинска единица има нова задача, командантот го открива начинот на работа: “Прво заседа, а потоа – атентат!“

Украинските „Шамани“, елитна единица која врши герилски напади против руските единици, сега има нова задача – да елиминира што е можно повеќе високи руски воени офицери.

Во извештајот за угледниот весник The Times, членовите на баталјонот „Шаман“ откриваат дека во последните шест месеци извршиле повеќе од десет напади врз инфраструктурата зад непријателските линии и одлучиле да ја подигнат својата мисија чекор повисоко.

„Доброто разузнавање што го обезбедија нашите западни партнери и луѓето на теренот ни овозможи да станеме многу поамбициозни откако последен пат се сретнавме“, изјавил командантот на овој баталјон со прекар Интелигент на новинарот на весникот, Максим Такер, со кого прв пат разговарале на крајот на јуни минатата година.

Идентитетот на борците од баталјонот „Шаман“ е заштитен, нивните лица се скриени, а познати се само нивните прекари.

„Откако ги запознавте Хендсом и 22 (прекари на борци), отидовме многу подалеку и имаме многу поголеми цели. Понекогаш мислиме дека е чудно, можеби премногу, но сепак го правиме тоа“, признал 30-годишен наредник вклучен во планирањето на мисиите на баталјонот „Шаман“.

Нивни редовни цели се руските воздушни бази, складишта за муниција и нафтени капацитети, а неодамна и руски воени команданти. Украина тврди дека убила 15 руски генерали од почетокот на војната. Официјална Москва ја потврди смртта на шестмина од нив, од кои повеќето се убиени во близина на првите линии на фронтот. Борците на баталјонот „Шаман“ не сакаат да го откријат точниот број на убиените, но врз основа на други извори можно е да се извлечат некои заклучоци за тоа кои најверојатно биле нивните мети.

На пример, во јуни руските медиуми објавија дека полковникот Владимир Кузњецов бил нападнат од заседа и убиен во руската област Белгород додека го возел своето службено возило сам, а минатиот месец потполковник Андреј Скуратов од Руската служба за безбедност (ФСБ) бил убиен кога со возилото налетал во мина во областа Брјанск што граничи со Украина. Ова е типичен модус операнди на „Шаман“ – ги следат Русите преку граница и го чекаат вистинскиот момент кога ќе можат да направат заседа и да извршат атентат.

Командантот на баталјонот „Шаман“ открива како најдобрите и најефикасните тимови досега се покажале како тимови од шест лица распоредени во американски хеликоптери Black Hawk и опремени со митралези М240. Доколку немаат воздушна поддршка, борците во своите мисии одат пеш, поминувајќи 80 километри со целосна опрема на грбот, вклучувајќи и ранци од 45 килограми.

„Извидувањето е клучно. Знаете дека Русите ги сакаат парите и ги мразат своите генерали, така што можеме да добиеме многу корисни информации од нивните редови. Нашите момци исто така секогаш носат FPV камиказе-дронови, кои понекогаш можат да уништат моќни возила“, открил командантот за The Times.

Мисиите на специјалните сили во Русија или на украинска територија под руска контрола не се нов феномен. Тие започнаа веднаш откако Русија го анектираше Крим и го нападна Донбас во 2014 година.

Борците на баталјонот „Шаман “користат заеднички тактики на силите за специјални операции и одговараат на ГУР, воената разузнавачка служба на Украина. Специјалните сили, кои обично се користат за подготовка на теренот за офанзива на редовните војници и механизираните единици, им покажаа како правилно да копаат на позициите или да обезбедат поддршка за време на напад.

Борците на баталјонот „Шаман“ тврдат дека нивниот рецепт за успех е едноставен и има само три состојки – братство, храброст и среќа. Ова им овозможи на нив да учествуваат во секоја голема битка од почетокот на сеопфатната инвазија. Тие учествуваа во одбраната на Киев, слетаа на Змискиот остров со хеликоптер и служеа во рововите во Бахмут три месеци.

Моментално се наоѓаат на југот на Украина, каде што спроведуваат операции на левиот брег на реките Днепар во регионот Херсон и напредуваат длабоко во окупираните територии. Борците на баталјонот „Шаман“ беа мала единица за специјални операции пред почетокот на војната, но нивната репутација се зголеми кога веста за нивните акции се прошири од аеродромот „Хостомел“ до Змискиот остров – оттогаш тие се пријавија стотици регрути.

Сепак, тоа не значи дека секој што ќе им се придружи на борците на баталјонот „Шаман“ веднаш ќе почне да лови руски генерали. Некои од нив ќе мора да преземат помалку гламурозни задачи, како онаа во Бахмут, каде што главната цел на баталјонот била да го чува патот што ги снабдувало со воена опрема.

Борците на баталјонот „Шаман“ помогнаа да се одржи линијата, напаѓајќи и повторно заземајќи ги рововите изгубени од други украински единици. Битките во рововите се крвава борба што борците на баталјонот „Шаман“ попрво би ја заборавиле. Баталјонот убивал по 40-50 луѓе дневно. Еден војник со прекар Гизо, бил испратен во зори да води тим за да ја врати позицијата од Русите кои беа бомбардирани од артилериски оган.

„Сонцето изгрева, а вие гледате хорор сцена – делови од оружје, делови од тела. Се движите по ровот, барајќи каков било знак на движење. Но, има толку многу оружје, пиштоли, тешко е да се каже кој е жив, а кој не е“, се вели во приказната на Интелигент.