Обој човек го ,,дигна” Северниот тек!? Полковникот на украинските специјални сили одигра клучна улога, објавени се резултатите од големата истрага (фото/видео)

Висок украински воен функционер одигра клучна улога во саботажата на гасоводот Северен тек во Балтичкото Море минатата година, објавени во саботата резултатите од заедничката истрага на американски „Вашингтон пост“ и германски „Шпигел“.

Роман Червински, полковник во силите за специјални операции на Украина , бил „координатор“ на операцијата „Северен тек“, изјавија за американските и германските весници извори запознаени со неговата улога.

Американските и германските медиуми ги цитираа украинските и европските претставници со сознанија за саботажата, кои зборуваа под услов да останат анонимни.

Червински ја надгледувал логистиката и тим од шест лица кои изнајмиле едрилица под лажен идентитет и користеле нуркачка опрема за поставување експлозивни направи на цевководи, според американскиот весник.

Тој не ја планирал операцијата ниту дејствувал сам, туку добил наредби од украинските власти, пишува Вашингтон пост.

На крајот на септември 2022 година , четири дупки од истекување на гас беа откриени на два гасоводи „Северен тек“ во близина на данскиот остров Борнхолм, а сеизмичките институти забележаа две подводни експлозии непосредно пред тоа.

Гасоводите беа во центарот на геополитичките тензии бидејќи Русија го прекина снабдувањето со гас за Европа како одмазда за западните санкции поради војната во Украина.

Во зависност од изворот, одговорноста за експлозиите им се припишува на Украина, Русија или САД, но сите тоа го негираа.

Преку неговиот адвокат, Червински негираше каква било улога во саботажата на гасоводот.

– Сите шпекулации за моја вмешаност во нападот на Северен тек се руска пропаганда без никаква основа – рече Червински во писмена изјава за „Вашингтон пост“ и „Шпигел“.

Украинскиот претседател Володимир Зеленски постојано негираше дека неговата земја била вмешана во експлозии на гасоводи.

– Никогаш не би го направил тоа – рече тој минатиот јуни за германскиот дневен весник Билд, додавајќи дека „би сакал да ги види доказите“.

Според „Вашингтон пост“, саботажата била извршена без знаење на Зеленски.

„Вашингтон пост“ и „Шпигел“ пишуваат дека контактирале со украинската влада со прашања за оваа заедничка истрага, но не добиле одговор .

На Червински моментално му се суди во Киев, откако беше обвинет за злоупотреба на овластувањата во обид да убеди руски пилот да пребега.

Тој тврди дека судскиот процес против него е политичка одмазда бидејќи го критикувал Зеленски.