Од 19 ноември, 55 бродови се пренасочиле кон ‘ртот Добра Надеж поради тензии во Црвеното Море
Педесет и пет бродови се пренасочиле кон ‘ртот Добра надеж од 19 ноември, бидејќи одбиле да поминат низ Суецкиот канал поради тензиите во Црвеното Море, соопшти египетска служба одговорна за движењето на бродови низ Суец.
Во истиот период низ Суецкиот канал поминале 2.128 бродови.
Египетската управа на Суецкиот канал соопшти дека внимателно ја следи ситуацијата во Црвеното Море.
„Внимателно ги следиме последиците од тензиите во Црвеното Море за движењето низ каналот“, се вели во соопштението на Осама Рабија шеф на службата.
Две од водечките светски бродски компании, вклучително и швајцарската MSC, најголемиот оператор со контејнерски бродови во светот, објавија вчра дека го избегнуваат Суецкиот канал поради зголемените напади на јеменските шиитски бунтовници Хути во Црвеното Море.
