Поранешен вработен во ЦИА осуден на 40 години затвор, ги објави најтајните информации во историјата на агенцијата
Поранешен вработен во ЦИА е осуден на 40 години затвор откако објави најмногу информации во историјата на агенцијата, објави американското обвинителство за јужниот округ во Њујорк.
Џошуа Шулте – кој беше обвинет за предавање доверливи информации на Викиликс во 2016 година – беше осуден во 2022 година за незаконско собирање и пренесување информации за националната одбрана и попречување на кривична истрага и постапка на големата порота, меѓу другите обвиненија. Тој, исто така, се изјасни за виновен во 2023 година за примање, поседување и транспортирање на детска порнографија, според Канцеларијата на американското обвинителство.
Работел како компјутерски инженер во Центарот за сајбер разузнавање на ЦИА и создавал сајбер алатки кои би можеле да преземаат податоци од компјутери, пренесува Си-Ен-Ен.
„Џошуа Шулте ја предаде својата земја со извршување на некои од најгрозоморните шпионски злосторства во американската историја“, рече американскиот обвинител Демијан Вилијамс во соопштението. „Тој нанесе непроценлива штета на нашата национална безбедност барајќи одмазда против ЦИА“, рече обвинителот.
„Кога ФБИ го фати, Шулте се обиде да и нанесе уште поголема штета на оваа нација водејќи, како што рече, „информативна војна“ за ослободување на строго тајни информации од затвор“, додаде Вилијамс. „И за цело време, Шулте собра илјадници и илјадници видеа и слики од деца за свое лично уживање“, изјави тој.
Шулте ја напушти ЦИА во ноември 2016 година. Но, во март 2017 година, Викиликс ги објави првите податоци „Vault 7“ што ги доби од две програми до кои Шулте имал пристап, покажуваат судските записи.
Викиликс објави соопштение дека ќе продолжи да ги објавува информациите, велејќи дека податоците биле анонимно обезбедени од извор кој сакал да покрене некои прашања, особено дали ЦИА ги надминала своите хакерски способности и ги надминала своите овластувања.
Шулте, кој, исто така, наводно ги лажел иследниците на ЦИА и ФБИ за да си ги прикрие трагите, беше уапсен во август 2017 година под обвинение за детска порнографија.
