„Паднаа по 70 литри дожд на метар квадратен“ – Вонредна состојба во Јагодина! Поплавени куќи, вода навлезе во болниците!
Поради обилните врнежи вчера, на територијата на градот Јагодина е прогласена вонредна состојба.
Во пониските делови на градот поплавени подруми и гаражи. Водата навлезе и во просториите на Ургентното одделение и Ургентниот центар на болницата во Јагодина.
За време на тричасовните врнежи и невреме со град на тој простор наврнаа и до 70 литри дожд на метар квадратен.
Во пониските делови на градот поплавени се стотици подруми и гаражи, особено во населбата Табане.
Дождовната канализација не можеше да ја прими огромната количина на врнежи, па водата од улиците се слеваше во дворовите, куќите и зградите.
Голема материјална штета е причинета и на полињата со пченица и пченка, овошје и зеленчук, а во некои села има и одрони.
Последиците од невремето и проценката на штетите се во тек, а граѓаните се повикуваат штетите да ги пријават во Одделението за вонредни состојби во градското собрание.
