Реки на улиците во Белград: Наврнаа тони дожд, додека сите спиеја во главниот град имаше поплава (ВИДЕО)
Во Србија денеска ќе биде умерено до целосно облачно, понекаде со врнежи од дожд, а на места можна е и појава на дожд со грмежи, соопшти Републичкиот хидрометеоролошки завод во најновата временска прогноза.
Пред пладне на север и исток, а до крајот на денот и во останатите региони се очекува постепен прекин на врнежите, проследен со делумно разведрување. Ќе дува слаб и умерен ветер, на истокот од Србија и засилен од источен и североисточен правец. Најниската температура од 14 до 18 степени, а највисоката од 20 до 27 степени.
Во Белград претпладне ќе биде умерено до целосно облачно, повремено со врнежи од дожд. Попладне суво со делумно расчистување. Ќе дува слаб и умерен ветер од североисточен и источен правец. Најниската температура е 15, а највисоката ќе достигне до 23 степени.
Метеоролозите вчера, во пресрет на невремето, најавија дека Србија ја очекува огромно количество врнежи, толку многу што ќе падне за само еден ден како што вообичаено паѓа за цел месец.
АМСС: Коловозите се влажни, маглата ја намалува видливоста
Сообраќајот во Србија се одвива со влажни коловози и намалена видливост поради магла, додека на граничните премини има задржувања за товарни возила, соопшти утрово Автомото сојузот на Србија (АМСС).
Видливоста во моментов е намалена долж долините Ибар и Дрина. Магла има во Поморавље и Војводина покрај каналите и реките, како и на превоите во Шумадија и Неготин. На патарините и на граничните премини нема задржувања за патнички возила, но има за камиони. На преминот Батровци на излез од државата седум часа чекаат камиони и шлепери, на Шид два часа, на Хоргош час и половина, а на премините Келебија и Бачка Паланка се чека околу еден час, додаваат од АМСС.
