РУСИЈА СТИГНА ДО ДУНАВ Испратија беспилотни летала долж границата на НАТО

Се огласија сирените за воздушен напад.

Украинското воено воздухопловство соопшти дека голема група руски воени беспилотни летала влегла во областа на устието на реката Дунав и се упатила кон речното пристаниште Измаил во близина на границата со Романија. Групи на социјалните мрежи објавија дека слушнале истрели од противвоздушна одбрана во областа во близина на двете пристаништа на Дунав – Измаил и Рени.

Гувернерот на јужната област Одеса, Олех Кипер, побара од жителите на областа Измаил да се евакуираат околу 1:30 часот по локално време, а еден час подоцна ја укина тревогата за воздушен напад.

Украинските пристаништа на Дунав сочинуваа околу една четвртина од извозот на жито пред Русија да се повлече од договорот за безбеден премин на украинскиот извоз на жито преку Црното Море.

Оттогаш тие станаа главна излезна рута, а житото се испраќа до романското црноморско пристаниште Констанца за понатамошна испорака.

Рускиот напад на пристаништето Измаил ги зголеми глобалните цени на храната на почетокот на август.