Снимка од минување граница од 1984 година предизвика дебата: Дали претходно било подобро или полошо?
HRT сподели снимка на која се гледа како се минувало граница во 1984 година, што потоа поттикна дискусии за тоа дали гужвите и чекањата во минатото биле полоши во споредба со тие денес.
Во споменатиот извештај се слуша како раскажувачот вели: „Имаше поплаки за долгото чекање и строгите контроли на граничната линија, што одвраќа многу потенцијални гости да не ни дојдат на гости“.
Новинарската екипа решила да ги провери овие наводи и за еден час изброила 240 автомобили кои ја поминале границата, наведувајќи во прилог дека тоа практично значи дека прегледот на секој автомобил траел во просек по 3 минути.
„Но, сè уште немаме среќа со царината и цариниците, шефот на царинската филијала одби да даде изјава и им забрани на своите службеници. Се чини дека услугите, туризмот и информациите се грижа на некои, а царината и царинарницата е грижа на други, како да не ја правиме оваа држава сите заедно“, се пожали понатаму новинарот во прилогот.
На видеото се гледаат детални прегледи на патниците, а во ТВ прилогот забележуваат: „Царинарницата не е никаков баук ниту тајна, проблеми – доколку ги има – се јавуваат поради недоволно познавање на прописите“.
Исто така споделија и совети за работниците во странство да се распрашаат за сите потребни документи пред да се вратат во татковината, бидејќи така ќе се избегне дополнително чекање и ризик од дополнителни трошоци.
На крајот имаа уште една напомена за цариниците: „Повеќе пријателски да ги извршуваат обврските. Само така нивното понекогаш нељубезно однесување нема да предизвика поголеми проблеми од прописите што треба да ги почитуваат и тие и граѓаните“.
ВИДЕОТО МОЖЕ ДА ГО ПОГЛЕДНЕТЕ ТУКА.
Споменатата снимка предизвика бројни реакции, но и дискусија дали ситуацијата порано била подобра во однос на сега. Оние кои се сеќаваат на условите и граничните премини за време на поранешна Југославија тврдат дека времето на чекање било многу подолго, а има и такви кои тврдат дека денешните прописи и процедури, особено при влез во Хрватска од Босна и Херцеговина, се многу полоши.
