СРЕДЕ СИНГАПУР ИМА ПЕКАРА “ЈУГОСЛАВИЈА”: ЛУЃЕТО СЕ ИЗНЕНАДЕНИ КОГА СЛУШНАА ДЕКА ЈА ДРЖАТ МАКЕДОНЦИ, БУРЕКОТ БИЛ ЗА “ЧИСТА ДЕСЕТКА” (ВИДЕО)
Во Сингапур постои и функционира кафуле/пекара „Југославија“ кое го држат Македонци, пишува порталот Еспресо.рс.
Од Акапулко до Атина, речиси и да нема земја на овој свет без барем еден човек од нашиот регион и од Македонија. За тоа најдобро говори името на пекарата во Сингапур, во која сите Балканци доаѓаат со ентузијазам, а чија слика се појави на социјалните мрежи во Србија и во регионот.
Еден млад човек од Сингапур, сподели на српскиот дел на форумот Редит неколку фотографии направени пред и внатре во кафулето и пекарата наречена „Југославија“ која е во сопственост на брачен пар од Македонија, кои живеат и работат во Сингапур веќе 18 години.
Came across a Yugoslavian pastry shop here in Singapore.
byu/WetworkOrange inYugoslavia
Набргу по објавувањето на фотографиите тој се огласи со уште една објава, овојпат велејќи дека е пријатно изненаден кога ја видел пекарата.
“Како Сингапурец бев пријатно изненаден од ова. Не го очекував тоа. Пораснав во 90-тите и секогаш бев фасциниран од многу работи поврзани со Југославија. Убави беа и пецивата.“, напиша тој.
По неколку прашања од луѓе од Балканот, тој напиша дека би сакал да се запознае со сопствениците, а освен што е Босанец во Малезија, немал многу контакт со нашата храна на тлото на Азија.
“Беше многу пријатно, повеќе отколку што опишав, имам намера да ги барам сопствениците и да дознаам повеќе за нивното минато. Овде немаме многу луѓе од Балканот, освен Босанците во соседна Малезија“, рече тој.
Југославија во Сингапур ја чуваат Македонци
Набрзо следеше одговор од каде “Југославија” во Сингапур. Имено, пекарата ја води брачна двојка по потекло од Македонија, Митар и Катерина Крајоски.
Како што открија во интервју за порталот “8days” минатата година, заедно со нивните две деца, живеат и работат во Сингапур, а пекарата се роди од љубовта на Катерина за подготвување храна.
Митар работи како комерцијален пилот на Боинг 777 на Singapore Airlines. Како што откри, тој се преселил во Сингапур пред 18 години од прилично интересна причина. Тогаш како кадет пилот го завршил своето образование и си обезбедил работа во националниот авиопревозник. Подоцна најде работа летајќи за SilkAir, сега веќе згаснатата регионална подружница на Singapore Airlines пред да се пресели на неговата сегашна функција.
Во меѓувреме, Катерина дипломирала економија на Универзитетот во Македонија.
„Но таа ми рече дека не сака да работи во канцеларија. Нејзината страст беше пекарството, па решивме да отвориме пекара“, вели Митар, кој и помага на својата сопруга во нивното кафуле секогаш кога тој не лета.
Понудата во нивното кафуле – пекара не заостанува зад понудата на која сме навикнати овде. Имено, покрај бурек, кифлички, лепчиња, сендвичи, традиционални балкански слатки, служат и јогурт со пецива.
