Телото на убавата Валентина го фрлил во ѓубре и тргнал за Црна Гора: Човекот кој ја уби девојката во Колумбија ги откри деталите за морничавиот злочин
Маж од Тексас, кој беше обвинет за убиство на девојка во Богота, на суд тврдеше дека бил под дејство на дрога и дека не се сеќава дека ја задавил.
Џон Пулос (36) пред судот во главниот град на Колумбија го опишал моментот кога се разбудил и ја нашол својата девојка Валентина Треспаласиос (23) мртва во креветот до него со патент околу вратот што го користеле како секс играчка.
– ,,Се обидов да ја разбудам Валентина, но таа не реагираше. Веднаш знаев дека нешто не е во ред. Беше многу бледа“, рече Пулос.
Пулос, разведен татко на три деца, кој работи како инвеститор во фирма за хартии од вредност, рече дека се допишувал со Валентина со месеци и дошол во Колумбија во јануари 2023 година за да се сретне со нејзиното семејство. Тој исто така рече дека планирал да се ожени со неа.
Пулос рече дека конзумирале дрога и алкохол во фаталната вечер и дека тоа предизвикало лоша реакција и му го нарушило расудувањето и меморијата ноќта на 22 јануари 2023 година.
– Никогаш не користев дрога пред да ја запознаам Валентина. Сè уште не знам зошто го направив тоа – изјавил Пулос.
Обвинетиот признал дека го испаничил и донел „страшна одлука“ да го фрли телото на својата девојка и да побегне.
– ,,Мислев дека ќе ме убијат ако одам во затвор. Не мислев дека моите права ќе бидат почитувани на суд. Решив да се обидам да избегам и да го ставам нејзиното тело во синиот куфер што го донесов. Потоа ја фрлив Валентина во ѓубре. Жалам за тоа“, рече Пулос.
Еден бездомник кој пребарува низ контејнер во близина на главниот аеродром во Богота подоцна дошол до страшно откритие и ја известил полицијата. Обдукцијата покажала дека девојчето починало од давење.
Пулос побегнал во Панама каде што бил уапсен четири дена подоцна додека се обидувал да се качи на лет за Турција. Неговиот наводен план бил да патува во Црна Гора, која нема договор за екстрадиција ниту со САД, ниту со Колумбија.
Американецот, сепак, беше екстрадиран во Колумбија за да се соочи со обвиненијата за убиство на својата девојка. Доколку биде осуден по обвинението за фемицид, што се однесува на убиство на жена од страна на интимен партнер, Пулос може да се соочи со казна затвор до 50 години во Колумбија.
