Урсула фон дер Лајен јасно тврди: “Постои јасен план за деескалација на ситуацијата на Косово“
Претседателката на Европската комисија (ЕК), Урсула фон дер Лајен, за медиумската агенција Tanjug изјавила дека постои многу јасен и посветен план за деескалација на ситуацијата на Косово – патоказ на кој двете страни работеа претходно оваа година.
„Ги повикувам двете страни на деескалација и да се придржуваат до патоказот. Тоа е апсолутно клучно за да се оди напред на мирен начин“, изјавила претседателката на ЕК коментирајќи ја ситуацијата на северот на Косово и одговарајќи на прашањето дали ЕУ ќе се ангажира посилно и ќе влијае на косовскиот премиер Албин Курти, да го прифати планот на ЕУ за деескалација на ситуацијата и повлекување на специјалните единици.
Во пресрет на вториот ден од самитот на НАТО во Вилнус, Урсула фон дер Лајен посочи дека е јасно оти и Белград и Приштина мора да го почитуваат она што е договорено во Охрид.
