ФОТО\ВИДЕО | ВО КИНА СЕ ПОЈАВИ ГРАНДИОЗЕН МОСТ ДОЛГ 24 КИЛОМЕТРИ – Овој мега-проект има вештачки острови и тунели – погледнете!
Поврзана е последната компонента на мостот „Шенжен-Жонгшан“ долг 24 километри во областа на големиот залив Гуангдонг-Хонг Конг-Макао во Кина.
Работата беше завршена во вторник и претставува најзначаен напредок пред планираното пуштање во сообраќај на мостот во 2024 година, објавија кинеските медиуми.
Штотуку завршената врска е дел од огромен проект кој всушност вклучува два моста, два вештачки острови, двонасочен тунел со осум ленти низ кои ќе може да се вози со брзина од 100 километри на час и серија подводни канали.
Проектот чинеше 6,15 милијарди евра.
Овој проект се смета за една од најтешките и најкомплицираните сообраќајни интервенции во светот. Проектот ќе ги поврзе градовите Шенжен и Жонгшан и ќе го намали патувањето меѓу двата града на само 30 минути, а патот ќе биде поврзан и со обиколницата кон Гуангжу, главниот град на провинцијата Гуангдонг.
На 11. јуни оваа година беше завршена изградбата на подводниот тунел „Шенжен-Жонгшан“, најдолгиот и најширокиот подводен тунел од бетон армирано со челик во светот. Неколку дена подоцна, на 20. јуни, беше завршена изградбата на главната структура на источниот вештачки остров на врската „Шенжен-Жонгшан“.
Дури и во земја позната по огромни инфраструктурни проекти, овој проект се издвојува по својата големина и сложеност. Долг 24 километри, широки осум ленти, со вештачки острови и подморски тунел, кинескиот мост „Шенжен-Жонгшан“ е еден од најамбициозните проекти на кинеските градежници.
Градителите на мостот неодамна поставија нов светски рекорд со поставување на повеќе од 22.600 квадратни метри асфалт во еден ден, што е еквивалент на повеќе од 50 кошаркарски игралишта.
Сепак, колку и да звучи чудно, ова не е најдолгиот морски мост во светот. Таа чест му припаѓа на неговиот сосед долг 54 километри, мостот „Хонг Конг-Жухаи-Макао“, на нешто повеќе од 30 километри.
Кога мостот „Шенжен-Жонгшан“ ќе се отвори за сообраќај следната година по осум години изградба, тој ќе го формира централниот дел на главниот план на Кина за развој на површината на големиот залив, една од најголемите и најнаселените урбани области во светот.
Областа на големиот залив е дом на 68 милиони луѓе, зафаќа 35.000 квадратни километри и вклучува 11 градови: Хонг Конг, Макао и девет други, вклучувајќи ги Жонгшан и Шенжен.
Времето на патување помеѓу Жонгшан и Меѓународниот аеродром „Шенжен Баоан“ – третиот најпрометниот во Кина, кој опслужуваше повеќе од 37 милиони патници во 2019 година – се очекува да се намали од два часа (на сегашните патишта) на 20 минути.
