ФОТО | Британците не ја заборавија својата омилена принцеза Дијана! Еве како граѓаните и оддадоа почит на славната ‘Лејди Ди’ за време на крунисувањето на кралот Чарлс III
Претходниот ден дел од насобраните граѓани пред Вестминстерската опатија, кои дојдоа да го сведочат крунисувањето на кралот Чарлс III, со транспаренти и оддадоа почит на покојната принцеза Дијана.
Улиците на Лондон беа преплавени со луѓе кои дојдоа да го сведочат крунисувањето на кралот Чарлс III, од кои десетици илјади кампуваа со денови околу Вестминстерската опатија за да бидат сведоци на историскиот настан.
Британците дојдоа да го поздрават својот нов крал со разни натписи посветени на него, но многумина се сеќаваа и на неговата поранешна сопруга, покојната принцеза Дијана.
Обожаваната Дијана беше почестена од Британците со различни транспаренти со нејзиниот лик, додека лицето на сегашната сопруга на Чарлс, кралицата Камила, можеше да се види само на малку застрашувачките маски што ги носеа некои од толпата.
Не дојдоа сите да му се поклонат на својот нов крал, а некои од собраните јасно ги искажаа своите ставови против монархијата со разни траспаренти.
Да потсетиме, принцезата Дијана и принцот Чарлс се венчаа на 29. јули 1981 година во катедралата „Свети Павле“ во Лондон, а нивната свадбена церемонија на телевизија ја следеа 750 милиони луѓе во 74 земји. Денот кога Дијана и Чарлс ја кажаа судбоносната изрека во Велика Британија била толку важна што е прогласен за државен празник, а на улиците на Лондон имало околу 600.000 граѓани кои сакале да ја поздрават двојката.
Принцезата Дијана беше една од најфотографираните жени во светот и беше внимателно следена од медиумите, исто како кобната вечер на 31. август 1997 година, кога мерцедесот што го возеше со возачот Хенри Пол и нејзиниот љубовник Доди Фајед удрија во бетонски столб во тунел во Париз, Франција.
