Шокантна вест молскавично се прошири на социјалните мрежи, дека Дани Алвеш се самоубил во затворот. Мораа да се огласат неговите адвокати да ја кажат вистината!
Не требаше долго време за да се разбрануваат духовите во спортската јавност, многумина се прашуваа дали е навистина можно Алвеш повеќе да не е жив…
Вчера од Бразил излезе наводната информација или шпекулација дека легендарниот бразилски фудбалер Дани Алвеш се самоубил, а оваа вест молскавично се прошири на социјалните мрежи. Не требаше долго време за да се разбрануваат јавните духови, многумина се прашуваа дали е навистина можно Алвеш повеќе да не е жив…
Поради сиот хаос реагираше ПР тимот на Дани, заедно со адвокатите, кои ги демантираат ваквите наводи и потврдија дека славниот Бразилец е жив, односно тоа е само озборување.
🚨 Dani Alves did NOT commit suicide in prison. This is FAKE news spread on social media. ❌
— Transfer News Live (@DeadlineDayLive) March 10, 2024
(Source: RTVE) pic.twitter.com/jI9eDJbGpH
Еден од најтрофејните фудбалери во историјата, кој во фантастичната кариера освои 43 трофеи со најголемите европски клубови (Севиља, Барселона, Јувентус, ПСЖ) и двапати ја освои Копа Америка со Бразил, минатиот месец беше осуден на четири и пол години затвор затоа што на 30 декември 2022 година во ВИП делот на ноќен клуб во Барселона силувал 23-годишна девојка.
Ја однел девојката во тоалет, во единствениот дел од ноќниот клуб кој не го покриваат камерите, наводно прво побарал орален секс, а откако таа одбила ја силувал. Обвинителите побараа од девет до максимум 12 години затвор, но тој беше осуден на четири и пол години. Адвокатите на Алвеш најавија тужба, што значи дека случајот не е затворен, но Бразилецот сепак останува зад решетки.
Алвеш неколку пати ги менуваше изјавите и тврдеше дека е невин, изјавил дека тој и 23-годишнишната девојка имале договорен однос, а тоа го чувал во тајност бидејќи не сакал да дознае неговата сега поранешна сопруга Џоана Санз.
