Шокантна исповед на еден од најдобрите кошаркари! Грчкиот ас открива дека сакал да се пензионира – поради ова тврдење на Јанис љубителите на НБА лигата се во неверување
Познатиот НБА ас Јанис Антетокунмпо размислувал да се повлече од кошарката во 2020 година, а сега за прв пат отворено проговори за тоа.
Да потсетиме, грчкиот ас ја освои НБА титулата со Милвоки Бакс во 2021 година, додека во 2019 и 2020 година ја доби наградата за најкорисен играч во најсилната кошаркарска лига во светот.
„Да се игра овде е голем притисок. Јас поминувам низ тоа. За да бидеш најдобар, треба да играш како најдобар. Мора да вежбате како најдобро. Мора да се справите со се најдобро. Што не е лесно. Без разлика колку луѓе велат дека добро се справувам со тоа бидејќи таква е мојата личност. Тешко е, во 2020 година бев подготвен да ја напуштам кошарката. Ако нешто не ме прави среќен, не го правам тоа. Не сакам да го правам тоа. Само ќе останам дома, ќе останам со моите деца, ќе останам со семејството и ќе се обидам да бидам среќен. Не ми е грижа за ништо“, изјавил кошаркарот.
А потоа, во летото 2020 година, Антетокунмпо потпиша пет-годишен договор со Милвоки вреден неверојатни 228,2 милиони долари.
„Продолжив да разговарам со советникот. Тој ми помогна многу. Не само што сум подобар кошаркар и дека можам да се справам со тоа, туку дека бев подобар партнер, подобар татко, подобар брат и подобар син, подобра личност. Не бев затворен во себе, можев да им го дадам на луѓето она што го чувствував. Затоа што во еден момент се обидував да побегнам од сите. И тоа не сум јас. Јас сум многу дружељубив. Сакам да комуницирам со други луѓе“, изјавил еден од најдобрите кошаркари во светот.
