АХВ: Ако малите фирми не преземат мерки, ќе останеме без свинско месо
Месечно има по еден или два нови случаи на африканска чума во државата. Малите семејни фарми да ги применуваат биосигурносните мерки, а доколку не се сфатат сериозно препораките за преземање на соодветни мерки против африканската чума, земјава може да остане без свинско месо, предупредуваат од Агенцијата за храна и ветеринарство.
Потпретседателот на Асоцијацијата на земјоделци, Гоце Серафимов за ТВ 24 ги посочува и дополнителните проблеми со кои се соочуваат, освен можниот недостиг на свинско месо.
Директорот на Агенцијата за храна и ветеринарство, Николче Бабовски, пак напоменува дека против вирусот на африканска чума засега нема вакцина, ниту лек и затоа секојдневно се апелира до одгледувачите на свињи, ловните друштва и концесионерите на ловиштата да ги применуваат биосигурносните мерки.
Инаку, се работи за високосмртоносен вирус за домашните животни, кој предизвикува катастрофални последици во економиите на државите каде има голем замав, а во регионот речиси и да нема земја во која не е регистрирана болеста како кај домашната, така и кај дивата популација на свињи.
