Израел жестоко го нападна Хезболах! Јужен Либан гори, извршени се моќни воздушни напади

Израелските одбранбени сили (ИД) денеска соопштија дека во последните неколку часа извршиле воздушни напади врз три терористички ќелии и позиција на Хезболах во јужен Либан.

Според ИД, воено беспилотно летало ги погодило терористичките ќелии во јужен Либан, од каде биле лансирани противтенковски наведувани проектили врз позициите на ИД и блиските погранични градови, објави „Тајмс оф Израел“. Сирените беа активирани и во северните израелски заедници Елкош и Нетуа.

Од друга страна, канонада од ракетен оган го погоди рано денеска регионот на Тел Авив три пати за неколку часа, а сирените се огласија низ целиот регион околу тој град. Погодени се и областите на исток од градот околу аеродромот Бен Гурион, како и местата на север и југ, објави „Тајмс оф Израел“.

Се претпоставува дека ракетите, насочени кон најнаселените области на Израел, биле истрелани од Газа.