И ЖЕНИТЕ И МАЖИТЕ 50+ СЕ ЛУДИ ПО НОВИОТ ДОДАТОК: Подмладува и го продолжува животот, а еве каде се наоѓа во храната

Пред да брзате да го набавите тој нов додаток против стареење, еве што друго треба да знаете!

Најновиот додаток за подмладување е таурин, вид на аминокиселина која човечкото тело природно ја произведува. Меѓутоа, кога неговото ниво ќе почне да се намалува, може да се земе во форма на додаток во исхраната или да се засили во менито на храна што го содржи.

Според истражувањето неодамна објавено во списанието „Наука“, експериментите врз животни покажале дека секојдневното дополнување со таурин може да го продолжи нивниот животен век за дури десет проценти. И не само што глувците хранети со таурин живееле подолго, туку биле и поздрави.

„Тауринот ги зајакнува коските, ја подобрува меморијата и го подмладува целиот имунолошки систем“, изјави д-р Виџај Јадав за Би-Би-Си. Оваа супстанца е користена и во експеримент со мајмуни и забележани се многу позитивни промени во тежината, нивото на шеќер во крвта, имунолошкиот систем и здравјето на коските.

Д-р Јадав нагласува дека треба да почекаме да завршат клиничките испитувања на луѓе пред лекарите да почнат да препорачуваат суплементација на таурин на општата популација. Тој одби да каже дали лично зема таурин или не.

„Исто така, мораме да провериме дали има некакви несакани ефекти на долг рок“, вели истражувачот.

Нутриционистите потсетуваат дека има таурин во месото и млечните производи, а лекарите нагласуваат дека еден од најсигурните начини за подмладување и продолжување на животот е комбинација од редовна физичка активност, урамнотежена исхрана и здрав сон.