Кибернапади врз министерствата во Норвешка

Норвешката Влада информираше дека 12 министерства, кои биле изложени на кибернапади, поради преземените безбедносни мерки немале пристап до електронската пошта ниту други мобилни сервиси.

Владата на Норвешка соопшти дека е извршен кибернапад врз 12 министерства во земјата, јавува Анадолу.

Од норвешката Влада е наведено дека 12 министерства, кои биле изложени на кибернапади, поради преземените безбедносни мерки немале пристап до електронската пошта ниту други мобилни сервиси.

Сигбјорн Ѓелсвик, министер за локална самоуправа и регионален развој, рече дека тие „сериозно ги сфаќаат кибернападите“.

Ѓелсвик изјави дека Единицата за безбедност и услуги (ДСС) на Владата на Норвешка будно ја следи ситуацијата и презема мерки.

Претседателот на ДСС, Ерик Хоуп, рече дека „премногу е рано да се зборува за тоа кој стои зад нападот и за неговиот обем“.