Маслото од ова растение се смета за најлековито, се користи и за проблеми со синусите

Глуварчето е исклучително лековито растение во народната медицина, а неговите листови се одлични за детоксикација. Цветовите се користат за правење мед и се полни со антиоксиданси.

Коренот е особено лековит и позитивно делува на имунитетот, ги намалува воспалителните процеси во организмот и се препорачува за здравјето на црниот дроб.

Сепак, маслото не е наменето за јадење, но одлично е за надворешна употреба при болки, вкочанет врат, синусна главоболка, отечени и болни гради. Се нанесува на отечени и болни гради и при било каква болка. Може да се користи за масажа на целото тело, а за да помогне при опуштање се додава и малку лаванда.

Компоненти:

• Цвеќиња од глуварче
• Ладно цедено масло по избор (маслиново, масло од авокадо, масло од семки од грозје, бадемово масло, кокосово масло)

Подготовка:

Изберете ги цветовите од глуварче, но целосно отстранете го зелениот дел (стеблото и листовите под цветот). Цветовите измијте ги, па оставете ги на крпа да се исушат. Кога ќе се исушат, наполнете половина мала тегла со цветови, па прелијте ги со масло, за целосно да ги покрие цветовите.

Затворете ја теглата со газа, која можете да ја прицврстите со ластик за теглите. Оставете ја теглата на прозорецот (на сончевата страна од домот) да отстои околу две недели. Процедете го маслото, истурете го во стерилно шише и чувајте го на ладно и темно место.