НОВИ ИНФОРМАЦИИ ЗА САБОТАЖАТА НА СЕВЕРНИОТ ТЕК ПРЕДИЗВИКА ЗЕМЈОТРЕС: Се огласи и Илон Маск кој ја коментираше ударната вест со само еден збор

Илон Маск , сопственикот на Tesla и компанијата Space-X, ја коментираше истрагата на Вашингтон Пост и германски Шпигел за вмешаноста на полковникот на украинската армија, Роман Червински, во саботажата на гасоводот Северен тек.

Поранешниот функционер на Стејт департментот Мајкл Бенц на социјалната мрежа Х објави скриншот од насловот на Вашингтон пост со коментар: „ По една година лежење, Вашингтон пост конечно се откажа “.

Маск го коментираше со еден збор: „Интересно“.

„Вашингтон пост“ во саботата објави, повикувајќи се на украински официјални лица и европски извори, дека координатор на експлозијата на гасоводите „Северен тек 1“ и „Северен тек 2“ бил наводно поранешниот командант на силите за специјални операции на вооружените сили на Украина, полковник Роман Червински .

Според изворите на изданието, тој ја надгледувал работата на тим од шест луѓе кои изнајмиле јахта и користеле опрема за нуркање за поставување експлозив на гасоводот.

Според оваа верзија, Червински добил наредби од високи украински функционери, кои пак пријавиле до врховниот командант на вооружените сили на Украина Валериј Залужни, а украинскиот претседател Володимир Зеленски не бил свесен за операцијата.

Во писмена изјава, Червински негираше вмешаност во експлозиите на Северен тек.