Повеќе од 1,1 милион прашања беа испратени до Путин пред неговото годишно обраќање на 14 декември

Повеќе од 1,1 милион прашања беа испратени по телефон и СМС до Серускиот народен фронт, пред обраќањето на рускиот претседател Владимир Путин на 14 декември, кое ќе биде комбинирано со преноси во живо.

Според телевизијата Росија-24, досега имало повеќе од 800.000 повици до претседателскиот медиумски тим, испратени се 290.000 смс пораки и 65.000 мултимедијални пораки, пренесе ТАСС.

Портпаролот на Кремљ Дмитриј Песков изјави дека рускиот претседател ќе ги разгледа годишните резултати на 14 декември.

Претходно, Путин комбинираше настапи во живо со прес-конференција во 2020 година, кога пандемијата на Ковид ја наруши таа рутина.