Путин: „На Западот не му е потребна голема Русија, тие сакаат да ја распарчат и да ја ограбат како во 1917 година“!
Претседателот на Руската Федерација, Владимир Путин, во руското национално собрание изјави дека Западот има намера да ја распарчи Русија користејќи локален сепаратизам.
Претседателот на Руската Федерација Владимир Путин денеска се обрати пред руското национално собрание . Покрај другите теми, тој се осврна и на долгата историја на непријателски обиди на Западот кон Русија и на прашањето за сепаратизмот.
Според него, на Западот не му треба голема Русија, тие сакаат да ја распарчат и ограбат. Не смеат да се заборават лекциите од револуцијата од 1917 година и од распадот на СССР.
– Да се потсетиме на лекциите од револуцијата од 1917 година и граѓанската војна што следеше, распадот на СССР во 1991 година – рече шефот на руската држава.
– Се чини дека поминаа толку многу години, но луѓето од сите националности кои живеат сега, па дури и оние родени во 21 век, сè уште, дури и децении подоцна, плаќаат за погрешните пресметки направени тогаш , за поклонувањето на сепаратистичките илузии и амбиции и заземање на централната власт – додаде тој.
Претседателот истакна дека Москва го смета секое надворешно мешање и провокација со цел предизвикување меѓуетнички или меѓурелигиски конфликти како агресивни дејствија против земјата, инструмент на борбата против Русија, обиди за сеење тероризам и екстремизам во Русија.
– Ќе реагираме соодветно – рече рускиот лидер.
Тој потсети дека Русија е голема и разновидна земја, а дека различноста на култури, традиции и обичаи се сила, огромна конкурентска предност и потенцијал.
