‘СУЛТАНОТ’ СЕ ЗАКАНИ – По извештајот на ЕК за Турција, Реџеп Таип Ердоган со јасна порака: “Може да се разделиме со ЕУ доколку е потребно!“

Претседателот на Турција, Реџеп Таип Ердоган, одговарајќи на новинарско прашање за содржината на извештајот на Европскиот парламент за Турција, кажа дека Анкара може да се „раздели“ со Европската унија доколку е потребно.

Во извештајот, усвоен претходно оваа недела, се наведува дека процесот на пристапување на Турција во европскиот блок не може да продолжи под сегашните околности и ја повикува ЕУ да ја истражи можноста за примена на „паралелна и реална рамка“ кога се занимава со односите со Анкара.

Турција е официјален кандидат за членство во ЕУ веќе 24 години, но преговорите за пристап беа закочени во последниве години поради загриженоста на блокот за кршење на човековите права и почитување на владеењето на правото во Турција.

„ЕУ се обидува да се раздвои од Турција“, им кажа Реџеп Таип Ердоган на новинарите пред неговото патување во САД и додаде: „Ние ќе дадеме свои проценки во однос на ваквиот развој на настаните и, доколку е потребно, можеме да се раздели со ЕУ“.

Министерството за надворешни работи на Турција соопшти претходно оваа недела дека извештајот на Европскиот парламент содржи неосновани обвинувања и предрасуди и дека има „плиток и невизионерски“ пристап кон врските на Турција со ЕУ.