Чуден тумор е пронајден во телото на древна Египќанка
Археолозите наидоа на многу чудно откритие во древна гробница во Египет – заб во карлицата на млада жена која умрела пред неколку илјади години.
Најпрво, началникот на локалитетот, археологот Мелинда Кинг Вецел, мислел дека станува збор за фетус од времето на египетските фараони, но подоцна се покажало дека е уште поретко откритие.
Односно, се чини дека е откриен најстариот доказ за зрел тератом на јајниците или тумор на герминативните клетки. Пронајдената маса изгледа како калцифицирана маса од неорганизирано и целосно формирано ткиво, како коски и заби. Има димензии приближно 3×2 сантиметри и датира од средината на 14 век п.н.е.
Вецел и нејзините колеги со години работат на археолошкиот локалитет на источниот брег на Нил како дел од проектот Амарна. Тие се обидуваат да ги откријат гробиштата на „нормалните“ луѓе (од тогашната пониска или средна класа) кои биле погребани во близина на поранешната престолнина на фараонот Ахнатон, основана во 1345 година п.н.е.
Тумор со заби
Скелетот на млада жена со тумор на јајниците е пронајден во повеќекоморна гробница на гробиштата во Северна пустина во Амарна. Девојчето во моментот на смртта имало меѓу 18 и 21 година. Таа беше погребана со рацете поставени на легенот и завиткана на начин вообичаен за другите локални гробишта во Амарна.
Од друга страна, на нејзиното тело имало повеќе накит отколку на другите тела закопани во близина. Во нејзината карлична коска е пронајден уште еден необичен додаток – тумор со заби. Тератомите се ретки видови тумори на герминативните клетки кои обично се бенигни, иако можат да предизвикаат симптоми како што се болки во стомакот или неплодност.
Ова е многу ретко откритие во областа на археологијата. Всушност, ова е само петти случај од ваков вид и единствен од Египет. Туморот е неколку века постар од другите антички тератоми кои претходно ги откриле археолозите во Шпанија, Франција, Перу и Португалија, пишува sciencealert.
Кога Вецел го виде забот, помисли дека нема ништо лошо во него. Но, по подетален преглед, во калцифицираната маса беше откриено уште едно празно жлебче. При понатамошно ископување, втор заб е пронајден во близина на врвот на коската на ногата, сè уште во внатрешноста на карличната празнина. Совршено се вклопува во празната дупка, а археолозите веруваат дека исто така бил дел од туморот, кој се одвоил за време на распаѓањето на телото.
Девојчето на левата рака имало златен прстен кој бил блиску до туморот. На прстенот имаше претстава на Бес, староегипетско божество поврзано со плодноста и заштитата. Археолозите веруваат дека девојката можеби го носела тој посебен прстен со причина, за да и „помогне“ со болки или неплодност.
