НЕ МЕ ИНТЕРЕСИРА ДА ИГРАМ ЗА РУСИЈА ДОДЕКА ДРЖАВАТА Е ПОД САНКЦИИ: Познатиот фудбалер и поранешен ЗАТВОРЕНИК навлече голем гнев кај сонародниците

Поранешниот фудбалер и репрезентативец на Русија Александар Кокорин изјави дека не помислува да игра за својата земја додека се на сила санкциите.

Неговото интервју за францускиот портал „FootMercato“ предизвика големо внимание во Русија. Бидејќи за време на санкциите одби секаква можност да игра пријателски натпревари за Русија, тој ја коментираше и специјалната воена интервенција на таа земја во Украина.

Александар Кокорин (31) е член на кипарскиот клуб Ариса, а претходно настапуваше за Фиорентина и трите најголеми руски клубови – Спартак, Зенит и Динамо. Играше и за Анжи и Сочи.

На прашањето за можното враќање во руската репрезентација, за која нема играно од 2017 година, Кокорин рече:

• Ќе бидам реален. Репрезентацијата во сегашните услови најверојатно уште долго нема да игра официјален натпревар. Можно е оваа ситуација да трае барем до 2025 година – рече Кокорин и продолжи:
• Под овие услови не сакам да играм за репрезентацијата. Секако, ако ми се јават, ќе разговарам со менаџерот, но сакам да знам зошто сум повикан. Ако е само да се игра пријателски натпревар, мислам дека тоа е повеќе за младите играчи отколку за мене. Доколку имаме официјален натпревар, секако, многу сакам да се вратам во репрезентацијата. Да се ​​носи дресот на руската репрезентација е неверојатно чувство, но не во оваа ситуација.

Александар Кокорин го изрази својот став за конфликтот меѓу Русија и Украина

-По ова прашање можам да кажам дека не можам да влијаам на тој конфликт. Затоа, веројатно е подобро да сметам дека не е моја работа. Како што знаете, мојата работа е да играм фудбал, да играм фудбал на Кипар. Само за тоа треба да размислувам – изјави Кокорин.

Александар Кокорин и денес е најскапиот руски фудбалер, откако неговиот трансфер од Динамо Москва во Анжи од Махачкала изнесуваше 19.000.000 евра. Сепак, тој никогаш не играше за Анжи, бидејќи беше повреден, а кога се опорави, клубот банкротира. Потоа се пресели во Зенит, а за Русија играше на две европски првенства во 2012 и 2016 година, како и на Светското првенство во 2014 година.

Тој се најде во центарот на вниманието на руската и светската јавност есента 2018 година, кога заедно со фудбалерот на Краснодар, Павел Мамаев, во ресторан претепаа функционер на руската влада. Двајца фудбалери го претепале политичарот со стол и му нанеле тешки физички повреди, притоа навредувајќи го на национална основа.

Целиот инцидент го снимила камера од ресторан во Москва, а фудбалерите се уапсени. Кокорин беше осуден во мај 2019 година на една година и шест месеци затвор. Со оглед на времето поминато во истражен затвор, тој беше пуштен на условна слобода во септември 2019 година.