ПОЧИНА ДИЗАЈНЕРКАТА КОЈА ГО ИЗМИСЛИ МИНИЧОТ: Нејзината изјава за жените во КРАТКО здолниште се цитира и денес
Дам Мери Квант, познатата британска дизајнерка која ја промени модната историја, почина на 93-годишна возраст. Веста за нејзината смрт ја соопшти нејзиното семејство, пренесува „The Guardian“.
„Таа утрово почина мирно во својот дом во Велика Британија. Таа беше најпрепознатливото лице во модниот свет на 20 век и иноваторка што ги поместува границите“, се вели во соопштението.
Мери Квант, британска дизајнерка и модна икона во шеесетите години, го промени ликот на светската мода со својот „изум“, мини здолниште.
- Мини здолништето им овозможи на жените да трчаат по автобусот – рекла Мери која имала интересно и крајно практично објаснување зошто решила да креира кратки здолништа.
Првото мини здолниште беше продадено во нејзиниот бутик „Базар“ во Лондон во 1963 година, а набрзо се појави и на страниците на „Вог“. Манекенката Твиги прва го прошета на модната писта.
Мери започна револуција во тогашната досадната и мрачна мода и ги замени со кратки здолништа. Ја отвори вратата за поголема еманципација и слобода за жените кои со ентузијазам го прифатија овој модел.
И малцинството ја осуди Марија, а таа се бранела велејќи:
– Јас не го измислив мини здолништето, создадено е на улиците на Лондон. Само направив поедноставна облека во која можете да влезете, да скокате и да трчате.
Должината ја одредуваа самите клиенти. Сукњите што ги носев беа многу кратки, а муштериите викаа пократко, пократко.
Мини здолништето не беше единственото нешто што Мери го дизајнирала, таа им понудила на жените шарени чорапи и жешки панталони.
Она што го направи Мери Квант со мини здолништето, именувано по омилениот автомобил на креаторот, Мини, е споредлив со шокот што Коко Шанел го предизвика со машките костуми за жени.
